黄子华栋笃笑之儿童不宜成人之危

2006儿童不宜篇
可能
我又试过有一次，阿生哥亲自召我入办公室，然后问我一条问题，我唔识答，你试下点答？咁嘅问题，你老板问你，你点答？距话：“啊子华，你可唔可以解释比我听，点解你可以做得咁差嘅？”你点答？你可唔可以好直接好老实咁答啊？：“噢小意思喈，生哥，其实我系可以做得差好多嘅。不过尼排有滴压力，即系如果毫无压力呢，系差尼一方面我系公司系稳唔到对手嘅。”老板几时系最可爱啊？发脾气嘅时候。系迷？老板会同你讲：“我唔理，尼个世界冇话唔可能！你同我死都死掂距！”有冇同你咁讲？好幽默，我觉得，冇得顶。“阿生哥你唔理？咁你唔理，你估我理唔理？”生哥幽默幽默~尼个世界冇话唔可能，呐尼句说话我系赞同嘅，各位，尼个世界冇嘢系唔可能，不过系尼一个薪酬呢就几唔可能。

鞠躬尽瘁，死而后已
系一九唔知几多年一个早上，一个年青人去见一份工，（指着自己）当时距就同距见工果个人讲：“呐甘生，我为咗尼份工，我系可以鞠躬尽瘁，死而后已嘅。”不过当时我系用英文讲嘅，大家都知道哈，真心说话，用外语讲，真心好多啊嘛。Mr gum,i am going to try so hard,i die.啊唔系唔系唔系，死而后已嘅翻译，i die afterwards.

员工
系一个员工嘅心目中，工资，同表现，系应该脱钩嘅。系迷？冇表现，照出粮，有表现，出4粮至8粮，越多越好~咁公司会执甩？唔紧要，摞赔偿。点解会咁嘎，各位老板，你地明唔明？点解你要出粮比我？唔系因为我，为公司做咗滴乜嘢，而系因为我为咗尼份工，我冇为自己做咗滴乜嘢。你明唔明？唔系因为公司得到滴乜嘢，而系因为我丧失咗滴乜嘢。所以严格上来讲，你每个月底比我果份，唔系粮，系赔偿。有咩野分别？分别就系，你出粮比我，我要多谢你，你赔偿比我，你要加多声，对唔住。

茄哩啡的一生
冇错，你系你尼套戏嘅主角，问题系，你尼套戏嘅戏名系叫做“茄哩啡的一生”。

请你好好放低
点解我可以咁嘅样？因为我果阵时已经练咗一种本能嘅反应。你讲粗口闹我呢，我好容易将D粗口嘅音呢，转化成为一D好普通嘅……日常用嘅语句！譬如大家都知噶啦，广东人，最劲嘅就果六只字噶啦，“噔、噔、噔、噔、噔噔”，呐你知啦？咁我会听到咩？我系会直接将距转咗，譬如就系……“请、你、好、好、放低！”咁？！所以我冇问题咖！“喂你，呐……你仲笑，load咗机噶啦嘛，你仲笑？哈？我请你好好放低。”OK……放低……Relax……冇事~果阵时，真系好豁达！有时捻翻转头，真系都几奇妙喔，我地广东人，闹亲架滴人，都一定……扯埋伯母落水，好鬼关照伯母噶喔。基本上我地中国人都系咁嘅，哈~普通话都系咁，动不动“尼玛的”，“踏马的”，“你莱莱的”！吓，我觉得尼个系充分表现咗我地中国人嘅智慧嘅各位，你捻下第一个发明尼句嘢嘅人几唔简单，点捻出来？我认为距根本系一个智者，当时距可能，比人闹紧：“你有问题！”，“你有问题~”，“你有问题！！！”，“你阿妈有问题~~~”你知第一次出现，距唔识嬲噶嘛，好愕然，你明明讲开我有问题喔，忽然间做乜讲我妈有问题啊？我阿妈冇同我讲过尼个问题喔。唉~~你之所以有问题，乃系由于好多因素千丝万缕咁组成嘅，而其中最大嘅原因，就系你阿妈，因为冇你阿妈，就冇你尼个问题啦？所以，你唔系问题，“尼玛的”……系问题！！哦……原来我唔系问题，我妈至系问题？！！哎呀~~咁难道你阿妈……又冇阿妈咩？所以你阿妈唔系问题，“踏马的”……系问题！！咁难道你阿妈嘅阿妈又冇阿妈咩？咁难道我同你闹交系“尼玛的，踏马的，你莱莱的，你$%^@*&！*的”……迷有排都闹唔完？所以正所谓，妈妈不尽，问题无穷！！我同你闹交提起你阿妈系想你知道，其实你冇问题，你阿妈又冇问题，问题根本就唔系问题！我“噔、噔、噔、噔、噔噔”就系想提醒你，“请你好好放低”，冇问题！真系系好豁达当时。好快乐嘅，其实做茄哩啡，比人闹咗两句粗口修养又好咗！但系，快乐嘅时光总系过得特别快嘅！咁啊……由于我嘅才华呢……我好快就冇得做茄咧啡啦！当然主要由于我俊郎嘅外形啦(观众嘘声一片）收到，收到！我好快就可以系D二三线嘅戏里面做D三四线嘅角色(观众大笑)！啊唔系，应该更正……系D三四线嘅戏里面做D二三线嘅角色！好唔同嘎哈，虽然我都分唔到，咁但系总之……当时嘅自我感觉系非常之良好，觉得自己上紧位，去做主角，做自己，我，系主角！

开心又一日，唔开心又一日
其实尼个系一个好豁达嘅人生态度各位，你滴成日当自己系主角嘅人，其实系好难好难做得到嘎。“哎，有几难喈，做人嘅嘢，开心又一日，唔开心又一日噶嘛。开心滴啊嘛！”开心又一日，唔开心又一日，咁即系尼日唔系好重要啦？咁点解要开心滴呢？尼句说话嘅逻辑系点讲都通噶喔，开心又一日，唔开心又一日，迷唔开心咯。OK噶喔。埋单又一日，唔埋单又一日，迷唔埋单咯。拉拉链又一日，唔拉拉链又一日，迷唔拉拉链咯。

Buffet
尼个世界我只相信两句说话，我自己发明嘅。Buffet(自助餐)，大家食过啊？“Buffet不妨食过分，出猫唔好太高分。”

返工
“我好中意返工啊~~”，你话唔系鬼上身点讲得出尼句话？

讲大话
男士，系自古以来，最大嘅嗜好就系讲大话啦，我地每日都培养，每日都系尼方面摆好多时间。而女士，就自古以来，系摞正牌，讲大话。乜嘢叫做化妆？化妆就系你个样讲大话！你只眼明明来到尼度就停嘎啦，你唔知搽咗滴乜嘢蓝蓝绿绿乜鬼嘢孔雀石绿啊，距仲有得去噶喔。哈？你个鼻系正面睇呢就有一个正常嘅鼻，系侧面睇，欸？唔见咗噶啵。你块面好开阳噶喔，冇遮挡喔，正面睇，哎呀？突咗出来，咁睇又冇，咁睇又有，你块面令到我思觉失调啊！各位女士你地明唔明乜嘢叫做化妆噶喈？最紧要系，咩嘢叫做化妆？化妆就系，你落咗妆我仲认得你滴就叫做化妆，你落咗妆我唔认得你，噶滴叫做化乔装啊！

剃你眼眉（让你丢脸）
各位，我认为真正冇礼貌系咩？纹眉就真系冇礼貌。纹眉系咩意思呢？纹眉你即系侮辱我嘅视觉功能啊。即系我系睇唔到嘅？我系分唔出嘅？“啊，几好噶喔你条眉，冇毛噶哈~”咁，咁我迷睇唔到你眼眉咯？

三不
宜家新嘅一代呢，新嘅一代男士好滴啦，新嘅一代男士呢讲究嘅系三不主义。OK？我地对女性，基本上系三不：第一，我地系，不，主动；第二，我地系，不，抗拒；而第三，最紧要啦，我地系，不，负责嘅。

悲剧
我觉得，人生最大嘅悲剧莫过于系咁，即系你好爱嘅，你得唔到；你唔爱嘅，你甩唔到。

撞衫
大家都知啦，对女人来讲，撞衫系严重过撞车嘅。

昌技
昌技应否合法化？有女人赞成噶喔，点解啊？你识阴谋论，好简单，因为果个女人系昌技咯。系迷？咁但系有男人反对昌技合法化噶喔，点解啊？因为距老婆想做昌技咯。