年少日记

两日前睇过嘅电影，深夜回想翻还是觉得很动容；唔知系咪因为咁啱今日心情唔好。

其实哥哥在家庭中嘅遭遇系我地哩一代人大部分都会有嘅相似经历——父母重男轻女或者关注其中一个醒目仔、叻仔；家庭暴力，贫穷引至家衰口不停……

唔一样嘅系，主角有钱d，whatever，哩个唔重要。

试问有几多个大人细个没谂过自杀，反正我就有；特别是果句“我不是什么重要的人”，特别是抱住弟弟痛哭，最后的拥抱更是最后尝试的求救，哇真系，马尿冲上天灵盖涌出来咁滞（夸张修辞）。

谂到有次老豆老母打架我都向我大佬求救，出去球场叫距帮手，距真系有翻屋企，不过没理距地打架，只有我继续撕肺咁喊。

讲到打架又谂到数唔清几多个晚上我真系好怕我爸会打死我妈，我经常性好眼训但唔敢训，边哭到抽搐边振奋精神。距地一嘈我就忍唔住搏命喊（哭），嘈几耐喊（哭）几耐，而至于喊（哭）到后面收唔到变成神经性抽搐，系咪哩个术语，都系大个睇到有相关说明先发现。

我童年内心都非常煎熬痛苦，虽然已经忘却佐大部分感觉，因为细时真系太难捱了，比宜家大个为生活奔波劳碌为事业烦恼为未来忧愁等等都难捱太多了。或者可能因为细个电子产品未盛行，没法依赖网络逃离现实所以觉得相对难捱；其实更多嘅系因为，细个哩种关乎家庭教育嘅问题没办法向谁诉说，以细个嘅思维没法自我排解，更加唔知边个可以倾诉边个可以信任。我地撑过黎已经好叻，选择结束自己嘅哥哥们系勇敢。没人是对或错，只有嘅系唔同嘅选择。

讲个道理你就明，有没试过同父母或者某些大人讲你唔开心或者遭遇到嘅事情，距地选择一笑而过或者觉得小题大做沉默应对；甚至乎有甚者选择嘲笑代替佐震惊于你诉说的事情距地无法开解你嘅尴尬。

没计啦，都唔完全怪距地，距地可能都系甘样过黎。

好可悲，人一辈子就一个童年，悲剧或正常嘅童年都只能经历一次。我唔知正常嘅童年系点样，爸爸妈妈唔会因为贫穷嘈大架打大架，我唔系净系可以记得电视系我最好嘅陪伴，一间房有两张床，我训靠墙嘅床成日听到曱甴爬，甚至乎半夜爬我面上嘅恐惧…不过其实已经有好多都唔记得噻，可能因为初中嘅时候距地终于离婚，我嘅难受随住松口气嘅哩啖气松佐d。

不过选择性忘记嘅童年影响住我嘅性格，伴随著我嘅一生，只系麻木到唔知边件事情嘅处理方式系细个经历过d咩而作出判断选择。

比如大佬用我身份证借网贷，我已经唔识亦唔知要反抗，毕竟我阿妈都没出声。

当然，我都没成为到理想中嘅大人，不过都叫做长大佐，有工作就活得比细个好，慢慢治愈自己。