<<名瞞戆族 / 冒牌家庭>>最手到拿來就係似曾江先生嘅染髪劑舊廣告, 即刻變黑又得, 遲D變黑又得, 得咗, 無論幾大鍋嘢, 梗係最抵死該死唔使病嘅位, 編劇一下就搞掂嗮, 無交捱, 衆騎呢主角又過一骨, 大步跨過, 前路又滿希望了.
洗具片呢D就無謂計較, 囍上加喜, 最強喜事就得.
選角最緊要, 尤其係白癡仔, 由頭帶到尾, 好人有好報, 最善良一個有最好結果, 屌絲逆襲成功, 矮窮銼也有出頭天, 比被摑十四巴的賤男情長劍好好多.
女主珍妮花小姐我從老友記開始追睇她, 睇到老, 但頂得住90後00後沖擊, 放開懷抱, 緊握拳頭就一無所有, 徹底解放依然穩坐喜劇天后寶座.
其他幾位我覺得麻麻, 男主個樣唔夠衰格, 懶正經啱啦, 小女生背住大口姐姐(朱麗葉羅伯詞)的侄女包袱, 放唔開. 個啤夫婦夾硬嚟, 來幫手收場嘅.
節奏明快, 好似TVBB流行公式, 流水式, 公路電影, 以快打慢, 四格漫畫咁講完故仔, 觀衆笑呵呵離場, 都算值抵看. 過到海就神仙.
正片
